විපතේ දී මොරගැසීම
1අනේ දෙවිඳුනි!
මා මුදාගත මැනව!
අනේ සමිඳුනි!
මට සහාය වීමට ඉක්මන් වුව මැනව!
2මා නැසීමට සොයන්නෝ ලජ්ජා වී වියවුල් වෙත් වා!
මාගේ විනාශයට ආශා වූවෝ පසු බැස අපකීර්තියට පැමිණෙත් වා!
3“හහා, හහා” කියමින් මට සමච්චල් කරන්නෝ තමන්ට වන නින්දාව නිසා පසු බසිත් වා!
4ඔබ සොයා එන්නෝ ප්රීති ප්රමෝදයෙන් සතුටු වෙත් වා!
ඔබ දෙන විමුක්තියට ප්රේම කරන්නෝ ‘දෙවිඳාණෝ ශ්රේෂ්ඨ ය’යි නිතර ම කියත් වා!
5එහෙත්, මම දිළිඳු ය;
අසරණ ය.
අනේ දෙවිඳුනි!
මා වෙත කඩිනමින් වඩිනු මැනව!
අනේ සමිඳුනි!
ඔබ මාගේ පිහිට ද ගැළවුම්කරු ද වන බැවින් පමා නොවුව මැනව!