පුත්රයාණන් මඟින් කළ අවසාන ප්රකාශනය
1දෙවියන් වහන්සේ ආදි යුගවල දී, නොයෙක් විට ද විවිධාකාරයෙන් ද, දිවැසිවරයන් මඟින් අපේ පියවරුන්ට කතා කළ සේක. 2එහෙත් දැන් මේ අවසාන කාලයේ දී උන් වහන්සේ සිය පුත්රයාණන් මඟින් අපට කතා කළ සේක. උන් වහන්සේ කරණකොටගෙන දෙවියන් වහන්සේ මුළු විශ්වය මවා, සියල්ලේ උරුමකාරයාණන් කොට උන් වහන්සේ පත් කළ සේක. 3උන් වහන්සේ දෙවියන් වහන්සේගේ මහිමතාවයේ ප්රභාවය ද දේවත්වයේ ස්වරූපය ද වන සේක්, තමන්ගේ ප්රබල වචනයෙන් සියල්ල දරන සේක. පාප ශෝධනය ඉටු කළ පසු, උන් වහන්සේ උත්තම ස්ථානයෙහි මහෝත්තමයාණන්ගේ දකුණත අසුන් ගත් සේක.
පුත්රයාණන්ගේ ශ්රේෂ්ඨත්වය
4මෙසේ දේව දූතයන්ට වඩා ශ්රේෂ්ඨ නාමයක් පුත්රයාණන් වහන්සේට උරුම වූ බැවින් උන් වහන්සේ ඔවුන්ට වඩා බොහෝ සේ උතුම් වන සේක. 5මන්ද:
“ඔබ මාගේ පුත්රයා ය;
මම අද ඔබ ජනිත කෙළෙමි”යි
6‘දෙවියන් වහන්සේගේ සියලු දූතයෝ උන් වහන්සේට නමස්කාර කරත්වා”යි
7“උන් වහන්සේ ස්වකීය දූතයන් සුළං ද, ස්වකීය සේවකයන් ගිනි ජාලාවක් ද කරන සේකැ”යි
8“දෙවියන් වහන්ස, ඔබගේ සිංහාසනය සදහට ම පවත්නේ ය;
ධර්මිෂ්ඨකමේ ජයකොන්තය ඔබගේ රාජ්යයේ ජයකොන්තය වේ.
9ඔබ ධර්මිෂ්ඨකමට ප්රිය ව අධර්මිෂ්ඨකමට ද්වේෂ කළ සේක;
එබැවින් දෙවියන් වහන්සේ, ඔබේ ම දෙවියන් වහන්සේ, ප්රීතිය නමැති තෛලයෙන් ඔබේ සහකාරයන්ට ඉහළින් ඔබ අභිෂේක කළ සේකැ”යි
10“ස්වාමීනි, ආරම්භයේ දී ඔබ පොළොවේ අත්තිවාරම් ලූ සේක, ස්වර්ගලෝක ඔබගේ මැවිලි ය.
11ඒවා පහ ව යන්නේ ය, එහෙත් ඔබ පවතින සේක.
ඒ සියල්ල වස්ත්ර මෙන් පරණ වන්නේ ය;
12ඔබ ඒවා සළුවක් මෙන් අකුළන සේක, වස්ත්ර මෙන් ඒවා මාරු කරනු ලබයි.
එහෙත් ඔබ ඒකාකාර ම ය, ඔබගේ වයසට සීමාවක් නැතැ”යි
13“මා විසින් ඔබේ සතුරන් ඔබට පා පුටුවක් කරනු ලබන තෙක්, මාගේ දකුණත අසුන් ගන්නැ”යි